د کابل طبي علومو پوهنتون او اړونده څلورو تدریسي روغتونو د رنګمالۍ او ترمیم پروژې آفرونو پرانیستې غونډه تر سره شوه.
نن پنجشنبه د روان کال زمري میاشتې پر ۱۱ مه نېټه د کابل طبي علومو پوهنتون مالي او اداري چارو مرستیال مولوي عبدالرحمن مرحوم په مشرۍ او د څارنې غړیو په حضور سره د یاد پوهنتون او اړوندو څلورو تدریسي روغتونونو د ترمیم او رنګمالۍ پروژې د آفرونو پرانیستې ناسته پر شرایطو برابرو ګډون کوونکو شرکتونو استازو سره شوه.
د پوهنتون مالي او اداري مرستیال مولوي عبد الرحمن مرحوم په پیل کې د پوهنتون د تاریخي ارزښت او مخینې په اړه خبرې وکړې او له ګډون کوونکو شرکتونو یې وغوښتل څو تر بریا څخه وروسته هر ګټونکي شرکت د چارو ښه تر سره کولو اوصولو او د کیفیت لرونکو موادو کارولو او همدا رنګه په خپل وخت د پروژې چارو پای ته رسولو ته ژمن و اوسي.
