....
د کابل طبي علومو پوهنتون اړوند سترګو تدریسي روغتون د سترګو ډيپارټمنټ علمي کادر غړیو به تېرو دریو کلونو کې څلور عنوانه تخصصي کتابونه ژباړلي او ۱۶ علمي مقالې یې لیکلي دي چې له ډلې یې څلور مقالې په نړیوالو ژورنالونو کې او ۱۲نورې یې په داخلي علمي مجلو کې خپرې شوې دي.
دغه لاسته راوړنې په علمي او څېړنیزو فعالیتونو کې د یاد ډيپارټمنټ د پام وړ پرمختګ او ودې څرګندویي کوي او معتبرو علمي سرچینو ته د محصلانو د ښه لاسرسي لپاره د تخصصي کتابونو ژباړه مهم ګام بلل کېږي، په داسې حال کې چې په داخلي او نړیوالو ژورنالونو کې د مقالو نشر کېدل د نویو څېړنو پېژندنې او علمي نظرونو د تبادلې زمینه برابروي.
