د غاښونو ډاکټرانو یو ټيم چې د کابل طبي علومو پوهنتون اړوند ستوماتولوژي تدریسي روغتون ډاکټرانو د ظرفیت لوړونې او له هغوی سره د خپلو تجربو شریکولو او همکارۍ په موخه د یوې اونۍ لپاره کابل ته سفر وکړ

د غاښونو ډاکټرانو یو ټيم چې د کابل طبي علومو پوهنتون اړوند ستوماتولوژي تدریسي روغتون ډاکټرانو د ظرفیت لوړونې او له هغوی سره د خپلو تجربو شریکولو او همکارۍ په موخه د یوې اونۍ لپاره کابل ته سفر وکړ. دغه سفر د رونق افغانستان (Prosper Afghanistan) موسسې له لوري پلان او ترتیب شوی چې اصلي موخه یې په افغانستان کې د درملنې او روغتیایي وضعیت ښه ږوالي او بیا رغونه کې همکاري ده. 

د غاښونو متخصصانو دغه اته کسیز تجربه لرونکی ټیم  چې په بېلابېلو برخو لکه: د ماشومانو د غاښونو طب، د ژامې جراحي او لږ اغېزمنو غاښونو طب (minimally invasive dentistry) کې کابل ته راغلی افغان ناروغانو ته د روغتیایي خدماتو وړاندې کولو سربېره د ستوماتولوژي تدریسي روغتون ډاکټرانو ته د روزنې او پوهې انتقالولو په موخه راغلی دی. 

د یوې اونۍ په بهیر کې یادو ډاکټرانو د ستوماتولوژي تدریسي روغتون په بېلابېلو برخو کې روغتیایي او روزنیز فعالیت ترسره کړ. هغوی د غاښونو په بېلابېلو برخو په ځانګړي ډول د ژامې جراحي، ماشومانو د غاښونو طب، او غاښونو پرمختللي طب کې د تخصصي کورسونو په جوړولو سره افغان ډاکټرانو ته عملي او نظري روزنه ورکړه.  

له بلې خوا د لندن ډاکټرانو او رونق افغانستان (Prosper Afghanistan) موسسه هیله من دي چې دا ډول همکارۍ او روزنیز پروګرامونه به د افغانستان روغتیایي خدماتو کچې د لوړولو او روغتیایي وضعیت په ښه والي کې مرسته وکړي. هغوی له افغان ډاکټرانو سره د نيږدې همکاریو څخه خوښي څرګنده کړه او په راتلونکي کې د لازیاتو همکاریو پر دوام یې ټینګار وکړ. 

د یاد سفر په پای کې د لندن ډاکټرانو ټیم د کابل طبي علومو پوهنتون اړوند ستوماتولوژي تدریسي روغتون له ډاکټرانو څخه مننه وکړه او د لازیاتو همکاریو او روزنې په برخه کې یې چمتو والی وښوده.