د نسایي ولادي تدریسي روغتون مسوولینو له لوري د وړاندې شویو معلوماتو پر اساس د روان کال غبرګولي میاشتې په لړ کې یاد روغتون ۱۶۲۰ تنه ناروغانو ته روغتیایي خدمات وړاندې کړي دي.
د دغه ناروغانو له ډلې ۲۷۴ تنه بستر شوي ناروغان او د ۱۵۸ تنه ناروغانو جراحي عملیات ترسره شوي چې دا د جراحي او روغتیایي خدماتو وړاندې کولو په برخه کې د یاد روغتون ظرفیت لوړوالي څرګندويي کوي.
د روغتون مسوولین وايي چې د ډاکټرانو او متخصصانو له لوري په بېلابېلو برخو کې دغه روغتیايي خدمات په دوامدار ډول ترسره شوي دي او هڅه کوي تر څو روغتیایي خدماتو په لاسرسي او د کیفیت په لوړوالي کې لا ښه والی راشي.
