د کابل طبي علومو پوهنتون د علمي شورا غونډه ترسره شوه.
د کابل طبي علومو پوهنتون د علمي شورا غونډه نن سې شنبه د ۱۴۴۴ هـ ق کال د شعبان المعظم میاشتې پر ۲۱ نېټه د کابل طبي علومو پوهنتون د رئیس پوهنيار دوکتور فضل الرحمن رحماني په مشرۍ ترسره شوه.
دغه غونډه، چې د پوهنتون د علمي کادر د غړیو د تقرر، ترفيع او د پوهنتون د يو شمېر نورو مهمو علمي مسايلو د څېړلو په موخه جوړه شوې وه د اجنډا له مخې د استادانو د ترفيع او تقرر سربېره د نیوناتولوژي تغذيې او انتاني ناروغیو د ډیپارټمېنټونو په نصاب هم خبرې وشوې او د عامې روغتیا د ماسټري پروګرام تدریسي برخه د طبي زده کړو پراختیا ریاست ته د لېږد تر څنګ د استادانو تقاعد او د افغان طبي مجلې په اړه هر اړخیز بحث او لازمې پرېکړې وشوې.
ښاغلي رحماني د غونډې په وروستیو کې د پوهنتون له ټولو ډیپارټمېنټونو څخه وغوښتل، هغه استادان چې نړیوالې مقالې لري د کابل طبي علومو پوهنتون په نوي جوړیدونکي نړیوال ژورنال کې د خپرېدو لپاره د علمي چارو معاونیت ته واستوي.
