د کابل طبي علومو پوهنتون څېړنو او علمي مجلې معاونیت له لوري د بېلابېلو پوهنځیو استادانو لپاره د «څېړنو لارې چارې» تر عنوان لاندې درې ورځنی روزنیز ورکشاپ پیل شو.
دغه پروګرام د استادانو د علمي کچې لوړوالي او ځواکمنتیا په موخه جوړ شوی چې د علمي څېړنو پړاوونه او اصول، پروپوزل جوړونې، معلوماتو راټولونې او تحلیل لارې چارې، علمي مقالو لیکنې او په معتبرو مجلو کې د نشر معیارونو اړوند مهم موضوعات پکې شامل وو.
د کابل طبي علومو پوهنتون په راتلونکي کې په بشپړ ژمنتیا سره د استادانو علمي ظرفیت پراخوالي لپاره دا ډول پروګرامونه په خپلو لومړیتوبونو کې نیولي دي.
