د کابل طبي علومو پوهنتون د سترتيژيک پلان کمېټې جلسه تر سره شوه.
نن یکشنبه د روان کال وږي میاشتي پر څلورمه نېټه د کابل طبي علومو پوهنتون د علمي چارو سرپرست مرستیال پوهاند دوکتور نجیب الله امرخېل په مشرۍ او کمېټې غړیو په ګډون د پوهنتون ستراتیژيک پلان د تطبیق راپور د ترتیب څرنګوالي په اړه غونډه تر سره شوه.
په دغه غونډه کې د لوړو زده کړو وزارت د تضمین کیفیت ریاست د سفارشونو او ارزونې د پایلو، د پوهنتون او اړوندو تدریسي روغتونونو د ۱۴۰۲ هـ ش کال ستراتیژيک پلان د کلنۍ ارزونې راپور، د ۱۴۰۳ هـ ش کال لومړۍ ربعې ستراتیژيک پلان ترتیب او پوهنتون اړوندو برخو کې د اغېزمن نظارت د څرنګوالي په اړه بحث او خبرې وشوې.
همدا رنګه په دغه جلسه کې د آجنډا اړوند موضوعاتو هم هر اړخیز بحث او خبرې وشوې او د کمېټې غړیو لخوh د وړاندیزونو او نظریاتو تر وړاندې کولو وروسته لازمې پریکړې ونیول شوې.
