د کابل طبي علومو پوهنتون مالي او اداري چارو مرستیال مولوي عبد الرحمن مرحوم په مشرۍ، د پوهنځیو او روغتونونو د رئیسانو او دغه کمېټې غړیو په حضور د پوهنتون د ستراتیژیک پلان کمېټې غونډه ترسره شوه.
په دغه ناسته کې د آجنډا مطابق یو لړ موضوعاتو په اړه چې له اړوندو برخو څخه د ستراتیژیک پلان د تطبیق کلني نظارت راپور لېږل، د پوهنتون پنځه کلن ستراتيژیک پلان نوې مسودې څرنګوالی، د نیازسنجۍ فورمونو تهیه او اړوندو مراجعو ته لېږل او یو شمېر نور مهم اداري او د پلان جوړونې موضوعات پکې شامل وو، بحث او د نظرونو تبادله وشوه.
د ناستې په دوام د کمېټې غړیو د ستراتيژیک پلان د تطبیق بهیر د ښه والي او پوهنتون د راتلونکو پروګرامونو د تنظیم او اغېزمنتیا په اړه خپل لیدلوری او پېشنهادونه شریک کړل.
