له ستوماتولوژي تدریسي روغتون څخه د کابل طبي علومو پوهنتون تعین شوي هیئت څارنه
د مالي او اداري مرستیال مولوي عبدالرحمن مرحوم په مشرۍ د پوهنتون لخوا تعین شوی نظارتي پلاوی د ستوماتولوژي تدریسي روغتون د انتقال او ناروغانو ته د روغتیايي خدماتو وړاندې کولو له بهیر څخه او د علي آباد تدريسي روغتون اړوند د رواني او عصبي برخې د طبي وسايلو او د ځای د نشتون له ستونزو څخه څارنه وکړه.
په دې کتنه کې چې د پوهنتون مرکزي آمرینو هم حضور درلود، د یادو برخو مسوولینو او مسلکي پرسونل د خپلو فعالیتونو او ستونزو په اړه معلومات وړاندې کړل، چې مالي او اداري مرستیال د دوی له کړنو څخه د رضایت ښودلو ترڅنګ، د دوی د ستونزو حلولو او همکارۍ ژمنه وکړه.
