په علي آباد تدریسي روغتون کې د اړیکو او عامه پوهاوي آمریت له کارمندانو ستاینه وشوه
د علي آباد تدریسي روغتون رئيس ډاکټر عبدالمطلب شینواري د اړیکو او عامه پوهاوي آمریت له کارمندانو چې د دغه روغتون لاسته راوړنې او فعالیتونه یې په ښه ډول تر پوښښ لاندې راوستلي دي، ستاینه وکړه.
ډاکټر شینواري د اړیکو او عامه پوهاوي آمریت له فعالیتونو په ځانګړې توګه له مطبوعاتي ټیم څخه چې د یاد روغتون د کړنو انعکاس او تصویر اخیستنې په برخه کې مهمه ونډه لرله، خپله خوښي څرګنده کړه.
د یادونې وړ ده چې د کابل طبي علومو پوهنتون د اړیکو او عامه پوهاوي آمریت تل هڅه کړې ترڅو د پوهنتون او تدریسي روغتونونو فعالیتونه او لاسته راوړنې د ټولنیزو سایټونو له لارې خلکو ته ورسوي چې د ا.ا.ا له واکمن کېدو څخه وروسته دغه آمریت توانېدلی چې د خبري او توليدي راپورونو په برخه کې د پام وړ فعالیت ولري
