د سترګو تدریسي روغتون لخوا د یو اووه میاشتني ماشوم د سترګې عملیات په بریالي ډول تر سره شو
د سترګو تدریسي روغتون مسولین وایي چې د دغه ماشوم د سترګې په کیڼ لوري کې د پیدایښت له وخت راهیسې اضافي کتله موجوده وه چې د دغه روغتون د ډاکترانو له لوري یې جراحي عملیات په بریالي ډول تر سره شو.
مسولین زیاتوي چې د ماشوم خپلوانو څو نورو روغتونونو ته له مراجعې او د عملیات د نه ترسره کولو له ځواب وروسته ماشوم دغه روغتون ته انتقال کړ چې تر معاینې او تشخیص وروسته د جراحي عملیات په بریالي ډول تر سره شو.
د سترګو ډيپارټمنټ استاد پوهنمل دوکتور میرویس په وینا، دغه کتله د زېږون له وخته د ماشوم په سترګه کې موجوده وه، د متخصینو لخوا ترمعایناتو وروسته د اضافي کتلې نوعیت تشخیص او عملیات یې تر سره شو، ډاکټر صالح زیاتوي چې د ماشوم حالت په ښه کېدو او رضایت وړ دی.
د ماشوم پلار وايي چې د درملنې لپاره یې څو روغتونونو ته مراجعه کړېده مګر د هغوی له لوري د عملیات نه تر سره کولو او رد ځواب ورکړل شوی او له دې چې زوی یې په دغه روغتون کې تر درملنې او عملیات لاندې ونیول شو له ډاکټرانو او مسولینو څخه په مننې یې خپله خوښي څرګنده کړه.
داپه داسې حال کې ده چې دغه روغتون په دې وروستیو کې په پرمختللو طبي وسایلو سمبال شوی او د ناروغانو لپاره ډېرې آسانتیاوې او امکانات برابر شوي دي.
