د کابل طبي علومو پوهنتون «ابو علي ابن سینا» د مالي او اداري چارو مرستیال مولوي عبد الرحمن مرحوم په مشرۍ د دغه پوهنتون مالي او اداري کمېټې ناسته وشوه.
د مالي او اداري چارو مرستیال د دغه ناستې د پیل په وینا کې د شفافیت خوندیتوب، اداري نظم پیاوړتیا او د اداري چارو د لا ښه والي په اړه خبرې وکړې او د غونډې ټولو غړیو لپاره یې په اغېزمنه توګه د مسوولیتونو ترسره کول مهم وبلل. نوموړي همدا رنګه د امیرالمؤمنین حفظه الله ځینې فرمانونه او لارښوونې له ګډونوالو سره شریک او په کره توګه یې د هغه پر عملي کولو ټینګار وکړ.
د ناستې په دوام د آجنډا اړوند په ۹ مهمو مالي او تدارکاتي موضوعاتو هر اړخیز بحث وشو چې د نظرونو او پېشنهادونو له وړاندې کېدو وروسته یې په اړه لازمې پرېکړې وشوې.
