د لوړو زده کړو وزارت علمی معین د سیني، زړه او رګونو ناروغیو انستیتیوت له رئیس سره د یاد انستیتیوت د تمویل او تجهیز په اړه لیدنه وکړه
شنبه ۲۰ ـ حمل ـ 1401
د لوړو زده کړو وزارت علمي معین دوکتور لطف الله خیرخواه د سیني، زړه او رګونو ناروغیو انستیتیوت څخه د لیدنې تر څنګ د یاد انستیتیوت له رئیس ښاغلي ډاکتر عبدالمطلب شینواري سره د دغه انستیتیوت ظرفیت لوړولو او مریضانوته د صحي خدمتونو د څرنګوالي د تمویل او تجهیز په اړه خبرې وکړې.
د انستیتیوت رئیس د زړه ناروغیو په زیاتوالي د شفاخانې د سامان آلاتو او مسلکي کسانو په کمښت د یاد وزارت علمي معین دوکتور لطف الله خیرخواه ته معلومات وړاندې کړل، د لوړو زده کړو وزارت علمي معین ډاډ ورکړ چې دغه وزارت د کادري شفاخانو لپاره بودیجه ځانګرې کړې چې د شفاخانو په پرمختک او د ستونزو په حل کې به مرسته وکړي.
