د ستراتیژیک پلان کمېټې غونډه تر سره کړه!
نن دوشنبه د روان کال د لړم پر ٨مه د کابل طبي علومو پوهنتون د علمي چارو سرپرست مرستیال پوهاند دوکتور نجیب الله امرخیل په مشرۍ د ستراتیيژیک پلان کمېټې ناسته ترسره کړه.
په دغه ناسته کې چې د کابل طبي علومو پوهنتون د محصلانو چارو مرستیال استاد عطاء الله فیضي د ډيپارټمنټونو آمرینو او اړوندو تدریسي روغتونونو رئيسانو هم ګډون درلود، د پوهنتون او تدریسي روغتونونو د ستراتیژیک پلان د عملي کېدو پر څرنګوالي، لاسته راوړنو او په دغه برخه کې د ستونزو د حل لارو په اړه هر اړخیز بحث او خبرې وشوې.
په پای کې د ګډونوالو له لوري خپلې طرحې او وړاندیزونه وړاندې شول او په اړه یې لازمې پرېکړې تر سره شوې
