د سترګو تدریسي روغتون په روغتیایي خدماتو کې ۶۴ سلنه زیاتوالی راغلی دی
د کابل طبي علومو پوهنتون اړوند سترګو تدریسي روغتون د شمېرو له مخې د روان کال په تېرو دریو میاشتو کې د شاوخوا ۱۶ زره ناروغانو لپاره روغتیایي خدمات وړاندې شوي دي، دغه شمېرې ښيي چې د کال لومړۍ ربعې په پرتله چې نېږدې ۹ زره ناروغانو ته روغتیایي خدمات وړاندې شوي وو، د پام وړ زیاتوالی څرګندوي.
په دغه موده کې ۱۶ زره ناروغان د درملنې لپاره په یاد روغتون کې ثبت او راجستر شوي دي چې د ۵۴۴ تنو لپاره د سترګو بېلابېل عملیاتونه تر سره شوي او همدا راز د مراجعینو او ناروغانو لپاره ۱۰۲۱ جوړه عینکې توزېع شوې دي.
د یادونې وړ ده چې د ا.ا له بیا واکمنېدو راهیسې په یاد روغتون کې د لومړیو کلونو په پرتله د خدماتو او امکاناتو په برخه کې مثبت بدلون راغلی چې هره ورځ شاوخوا ۱۵۰ تنه ناروغان دغه روغتون ته مراجعه کوي.
