د سرطاني ناروغیو د تشخیص او درملنې مرکز د ودانیزو چاررو پروژې شرکت له مسوولینو سره د دغه پروژې د ژر تر ژره بشپړېدو په اړه د همغږۍ ناسته تر سره شوه
د کابل طبي علومو پوهنتون مالي او اداري چارو مرستیال مولوي عبدالرحمن مرحوم د لوړو زده کړو او ښار جوړونې وزارتونو له انجنیرانو او سرطاني ناروغیو د تشخیص او درملنې مرکز د ساختماني پروژې شرکت له مسوولینو سره په داسې حال کې چې د علي آبادتدریسي روغتون رئیس دوکتور عبدالمطلب شینواري هم حضور درلود لیدنه وکړه او د یادې پروژې د برخلیک ټاکلو په اړه یې خبرې وکړې.
د مالي او اداري چارو مرستیال دغه مرکز په ملي کچه مهمه او حیاتي پروژه وبلله او ژر تر ژره د دغه پروژ ې پر بشپړېدو یې ټینګار وکړ. همدا رنګه له ټولو هغو مراجعو څخه چې په دغه پروژه کې دخیل دي غوښتنه وکړه چې د پروژې ستونزو په له منځه وړلو کې اقدام وکړي.
له بلې خوا د لوړو زده کړو او ښار جوړونې انجنیرانو او د شرکت مسوولینو هغه ستونزې او بدلونونه چې د پروژې په چارو کې را منځته شوي وو له مالي او اداري مرستیال سره شریک کړل.
په پای کې مالي او اداري مرستیال وویل چې د دغه پروژې په کاري برخو کې شته ستونزې او موانع به د لوړو زده کړو وزارت له مقاماتو شره شریکې کړي.
