د سره صلیب نړیوالې کمېټې ځانګړي استازي او ورسره پلاوي د لوړو زده کړو سرپرست وزیر سره د کادري روغتونونو اړوند د نوې تفاهم نامې پر لاسلیک بحث او خبرې وکړې.
۲۲/۰۹/۱۴۴۳
۴/۰۲/۱۴۰۱دغه ناسته چې د لوړو زده کړو سرپرست وزیر مولوي عبدالباقي حقاني په مشرۍ ترسره شوه، په کې د کابل طبي علومو پوهنتون رئیس دوکتور فضل الرحمان رحماني، د لوړو زده کړو وزارت ویاند مولوي احمد تقي، د افغانستان لپاره د سره صلیب نړیوالې کمېټې ځانګړي استازي ریټو شټاکر او ورسره پلاوي ګډون کړی وو.
په دغې ناسته کې د افغانستان لپاره د سره صلیب نړیوالې کمېټې ځانګړي استازي ریټو شټاکر د لوړو زده کړو وزارت له پوره همکارۍ مننه وکړه او د ګډې همکارۍ پر دوام او شفافیت ته په پوره پاملرنې یې ټینګار وکړ.
دغه راز نوموړي یادونه وکړه چې د لوړو زده کړو وزارت او سره صلیب ترمنځ تېره تفاهم نامه په ډېرې چټکۍ سره لاسلیک شوې وه، ترڅو روغتونونه له سقوط څخه وژغورل شي او اوس اړتیا ده چې نوې تفاهم نامه لاسلیک او زموږ خدمات دوامدراه شي.
د لوړو زده کړو سرپرست وزیر مولوي عبدالباقي حقاني، د نوې تفاهم نامې په برابرولو د خوښۍ ، شفافیت رامنځته کولو او د ګډې همکارۍ د دوامداره ساتلو ترڅنګ وویل، "نوې تفاهم نامه دې د لوړو زده کړو وزارت او سره صلیب کمیټو په همغږۍ برابره، پراخه او د درملو د کیفیت په نظر کې نیولو سره سره دې لا مؤثر خدمات هېواد والو ته وړاندي شي."
سرپرست وزیر دغه راز د سره صلیب له مسؤلینو وغوښتل چې د کادري روغتونونو په تقویت، خودکفاء ، باکیفیته او د روغتیاپالانو ظرفیت لوړونې برخو کې هم همکاري وکړي، چې د سره صلیب مسؤلینو له لوري د همکارۍ ډاډ ورکړل شو.
