د طبي انجنیري په برخه کې له IAM موسسې سره د دوه اړخیزه همکاریو تړون لاسلیک شو.
د کابل طبي علومو پوهنتون او IAM موسسې تر منځ د طبي انجنیرۍ په برخه کې د ظرفیت جوړولو، د همکاریو تقویت او تجربو شریکولو په موخه د کابل طبي علومو پوهنتون رئيس پوهنیار دوکټور فضل الرحمن رحماني او په افغانستان کې د IAM موسسې مسؤل نجیب الله سیاوش لخوا تړون لیک لاسلیک شو.
د دغه تړون پر بنسټ د یادې موسسې له هېواد بهر یو کارمند به د کابل طبي علومو پوهنتون د طبي انجنیرۍ په برخه کې د ظرفیت لوړولو په موخه همکاري کوي.
د طبي وسایلو نصب، د سمې ګټې اخیستنې، له وسایلو د ساتنې، او طبي تجهیزاتو د ترمیم او جوړونې لپاره د مسلکي کادرونو روزنه په روغتیایي سکټور کې د هېواد مهمه اړتیا ده چې په همدې موخه په پوهنتون کې د طبي انجنیري ډيپارټمنټ رامنځته شوی ترڅو د څېړنې، نوښت او طبي ماشینونو د ډيزاین او جوړولو په برخه کې د هېواد اړتیاوې پوره کړي.
