د لوړو زده کړو وزارت مالي او اداري معین د کابل د طبي علومو پوهنتون د درسي بهیر له پیل څخه لیدنه وکړه.
شنبه ۷ کب ۱۴۰۰
د لوړو زده کړو وزارت مالي او اداری معین مولوي اسدالله فرید، د یاد وزارت ویاند مولوي احمد تقي او ورسره پلاوي چې د کابل طبي پوهنتون رییس پوهنیار دوکتور فضل الرحمان رحماني، مالي او اداري مرستیال انجنیر عظیم الله کامران، د محصلانو چارو مرستیال پوهندوی دوکتور سید محفوظ بدخش، د طب پوهنځي رئیس پوهنوال دوکتور هدایت الله حیات ، دنشراتو او اړیکو آمر صبغت الله سجاد هم حضور درلود، د کابل طبي علومو پوهنتون د محصلینو د درسونو د پیل څخه لیدنه وکړه.
مولوي اسدالله فرید محصلینو ته د الله تعالی له دربار څخه په درسونو کې د بریالیتوب غوښتنه وکړه او ویې ویل: « د لوړو زده کړو وزارت هڅه کوي چې په پوهنتونونو کې د محصلینو لپاره معیاري، سالم او ښه چاپېریال رامنځته کړي نوموړي له زده کوونکو وغوښتل، چې د درسونو لپاره په خپل وخت حاضر واوسي او په لېوالتيا خپل درسونه پرمخ يوسي. همدا راز ښاغلي فرید له هغو استادانو څخه چې په هېواد کې د ننه پاتې دي او خپلو مقدسو دندو ته دوام ورکوي، خوښي څرګنده کړه، دوی یې د هېواد علمي شتمني وګڼل او مننه یې ترې وکړه.
