د میوند تدریسي روغتون له لوري د وړاندې شویو معلوماتو پر اساس د ۱۴۰۴ هـ ش کال د غویي میاشتې ټول عواید له ۱ میلیون او ۲ سوه زره افغانیو څخه زیات شوي دي.
په داسې حال کې چې د وري میاشتې عواید له ۸۰۰ زره افغانیو زیات و چې د تېرې میاشتې په پرتله د غويي میاشتې عواید شاوخوا ۵۳.۴ سلنه زیاتوالی ښيي. راټول شوي عواید د بېلابېلو روغتیايي خدماتو لکه: سراپا (OPD) ناروغانو، جراحي عملیاتونو، تشخیصيه خدماتو او تخصصي معايناتو څخه ترلاسه شوي دي.
د روغتون مسؤولین وايي، دغه زیاتوالی د خدماتو د کیفیت ښه والي، د مراجعینو تنظیم او له شته امکاناتو څخه د اغېزناکې ګټې اخیستنې پایله ده. دوی زیاتوي چې لا هم په روغتون کې د روغتیایې خدماتو د لا پراختیا او کیفیت لوړولوهڅې روانې دي.
