د کابل ابوعلي ابن سینا طبي علومو پوهنتون آنلاین طبي ژورنال اړوند شپږمې ناستې دایرول
دا ناسته چې د ۱۳۹۸ لمریز کال د مرغومي (جدي) میاشتې په ۱۱مه نېټه د ابوعلي ابن سینا طبي علومو پوهنتون د کیفیت تضمین او اعتباردهۍ د ناستو په خونه کې دایره شوه. د طبي علومو پوهنتون رئیس ښاغلي محترم پوهاند ډاکتر وحیدالله مومند، د یاد پوهنتون علمي معاون ښاغلي پوهاند ډاکتر نجیب الله امرخېل، د علمي څېړنو په برخه کې د لوړو زدهکړو وزارت مشاور ښاغلي ډاکتر محمد وسیم اقبال، د علمي څېړنو د کمیسیون آمر ښاغلي پوهاند ډاکتر عبدالواسع سلطاني او د طبي علومو پوهنتون د طبي ژورنال د (Editorial Board) غړو ګډون کړی وو.
لومړی د پوهنتون رئیس د ډاکتر محمد وسیم اقبال او د علمي څېړنو آمر پوهاند ډاکتر عبدالواسع سلطاني د کړنو او فعالیتونو او دغه راز د هغو استادانو له هلو ځلو او خدمتونو مننه او د هغوی لا بریا لپاره یې هیله وکړه. د یادونې ده چې په دې ناسته کې د علمي مقالو د خپراوي لپاره کړنلاره، د آنلاین ژورنال وبپاڼې په هکله د معلوماتو، د اړوندې کمیټې له نظره د مقالو تاییدولو، د (Plagiarism Checker) نرم افزار جوړولو او نورو اړوندو موضوعاتو په هکله بحث او خبرې اترې وشوې.
