د کابل ابوعلي ابن سینا طبي علومو پوهنتون د علي آباد په تدریسي روغتون کې د طبابت د اخلاقو اړوند کنفرانس دایرول
دا کنفرانس د ۱۳۹۸ لمریز کال د مرغومي (جدي) میاشتې په ۱۹ نېټه د علي آباد تدریسي روغتون په کنفرانس خونه کې دایر شو، چې د روغتیايي مؤسسو معاون صاحبې محترمه پوهنوال ډاکترې زبیده ژواک، د علي آباد تدریسي روغتون ډاکترانو او نرسانو او د طبي علومو پوهنتون یو شمېر استادانو پکې ګډون کړی و.
یاد کنفرانس د طبابت د اخلاقو په اړه د معلومات ورکولو او دغه راز د دندو پر مهال د طبابت اړوندو اخلاقو په پام کې نیولو په موخه دایر شوی و. د عدلي طب څانګې استاد ښاغلي پوهندوی ډاکتر محمد یوسف یادګاري د طبابت اخلاقو د بېلابېلو ابعادو په اړه خبرې وکړې او اړوندې موضوع په هکله یې ګډونوال ته مفصل معلومات ورکړل.
په پای کې هم د صحي مؤسسو معاون د یاد کنفرانس د موضوع عمومي نچوړ بیان کړ، په روغتونونو کې یې د طبابت اخلاق ضروري اړتیا وبلله او له ټولو ګډونوالو یې وغوښتل چې تل د دندو پرمهال د طبابت اخلاق په پام کې ونیسي.
