د کابل ابوعلي این سینا طبي علومو پوهنتون په علي آباد تدریسي روغتون کې په لومړي ځل "د زنګون د مفصل بدلولو" عملیات په بریالیتوب ترسره شول
د کابل ابوعلي ابن سینا طبي علومو پوهنتون د علي آباد په تدریسي روغتون کې په لومړي ځل د یوې شپېته کلنې مېرمنې د مکمل زنګون د مفصل بدلولو عملیات ترسره شول. دې مېرمنې څه موده مخکې د خپل زنګون د بدلولو لپاره علي آباد تدریسي روغتون ته مراجعه کړې وه، چې د علي آباد تدریسي روغتون استاد ښاغلي پوهنیار ډاکتر سید فاروق په وسیله د معیاري وسایلو په مرسته یې عملیات په بریالیتوب ترسره شو.
ددې مېرمنې د چپې خوا زنګون دوه کاله مخکې د هندوستان هیواد په یوه روغتون کې تبدیل شوی و، څو ورځې مخکې د ښۍ پښې زنګون د مفصل تبدیلي یې د معیاري وسایلو په مرسته د علي آباد په تدریسي روغتون کې په بریالیتوب سره ترسره شو.
تر دې دمخه زموږ هیوادوال به د خپلو مفصلونو بدلولو لپاره هندوستان او پاکستان ته تلل او هلته به یې ډېر زیات مصرفونه کول؛ خو له نیکه مرغه اوسمهال د علي آباد تدریسي روغتون د دې وړتیا لري، چې په بریالیتوب سره دا ډول عملیات ترسره کړي، ډاکتر جلال وایي چې د روانې میاشتې په لړ کې یې تر اوسه د مفصلونو د بدلولو دوه عملیاته په بریالیتوب ترسره کړي دی.
