د کابل ابوعلی ابن سینا طبی علومو پوهنتون رئیس په روغتیایی چارو کی د افغانستان د اسلامی جمهوریت د ولسمشر سلاکاری میرمن سحر عمران سره وکتل.
د کابل ابو علی ابن سینا طبی علومو پوهنتون رییس پوهاند ډاکټر وحیدالله مومند د سه شنبې په ورځ (د 1400 کال د وری په لسمه نیټه) د افغانستان د اسلامي جمهوریت د جمهور رئیس د روغتیا سلاکارې میرمن سحر عمران او د عامې روغتیا وزارت د روغتیایی معلوماتو سیسټم (HMIS) ټیم سره وکتل. په دې ناسته کې ښاغلو معاونینو، د پوهنځیو رییسانو، د کادری روغتونونو رییسانو، د بشري سرچینو آمر او د دې پوهنتون د معلوماتي ټیکنالوژۍ مرکز آمر هم برخه اخیستې وه.
د کابل ابوعلی ابن سینا طبی علومو پوهنتون رئیس، د میلمنو له راتګ څخه د مننې پرمهال، HMIS سیسټم د دې پوهنتون د کادری روغتونونو د روغتیا کارمندانو او د روغتیایی خدماتو غوره مدیریت لپاره مهم او اړین وګاڼه او ددی سیسټم په پلی کولو یی ټینګار وکړ.
همدارنګه په دې کتنه کې، په کادری روغتونونو کې د HMIS سیسټم پلي کولو او د دې پوهنتون د عامې روغتیا پوهنځی زده کړیالانو د روزنې په اړه هراړخیز بحثونه تر سره شول، چی د ولسمشر د روغتیایی چارو د سلاکار دفتر او د عامی روغتیا وزارت د HMIS ټیم په پورتنۍ برخو کی د همکارۍ ژمنه وکړه.
