د کابل طبي علومو پوهنتون «ابو علي ابن سینا» اړوند د سترګو تدريسي روغتون د جراحي څانګې لخوا تر انستيزۍ لاندې د لوګر ولايت د یوه ۵۰ کلن ناروغ د سترګې د بشپړ ایستلو جراحي (Enucleation) بریالی عملیات ترسره شو.
پوهنوال ډاکتر شيرمحمد اميرزاده د سترګو متخصص وایی چې ناروغ د ښۍ سترګې د درد او د ليد کمښت له شکايت سره روغتون ته مراجعه کړې وه. له تخصصي ارزونو او معاينې وروسته، ناروغ ته "Choroidal Melanoma" تشخیص ورکړل شو او پرېکړه وشوه چې د سترګې کره یې بشپړه وایستل شي.
د يادولو وړ ده چې تر جراحي وروسته د ناروغ عمومي حالت ښه و او له ۲۴ ساعته بستر مراقبت وروسته له روغتون څخه رخصت شو.
