د کابل طبي علومو پوهنتون «ابو علي ابن سینا» د مالي او اداري چارو مرستیال مولوي عبد الرحمن مرحوم، د محصلانو چارو مرستیال مفتي سید جمال آغا او د لوړو زده کړو وزارت د محصلانو چارو د انسجام رئیس قاضي کلیم الله محمدي په حضور د ممتازو محصلانو د ستاینې غونډه چې
د کابل طبي علومو پوهنتون «ابو علي ابن سینا» د مالي او اداري چارو مرستیال مولوي عبد الرحمن مرحوم، د محصلانو چارو مرستیال مفتي سید جمال آغا او د لوړو زده کړو وزارت د محصلانو چارو د انسجام رئیس قاضي کلیم الله محمدي په حضور د ممتازو محصلانو د ستاینې غونډه چې د «ځوان نسل فکري روزنې» تر عنوان لاندې د کتاب لوستلو او بېلابيلو ورزشي لوبو په سیالو کې یې ګډون کړی و او بریالیتوبونه یې تر لاسه کړي وو ترسره شوه.
په دغه پروګرام کې د کابل طبي علومو پوهنتون «ابو علي ابن سینا» د مالي او اداري چارو، د محصلانو چارو مرستیالانو او لوړو زده کړو وزارت د محصلانو چارو د انسجام رئيس قاضي کلیم الله محمدي هر یوه په خپلو ویناوو کې په علمي، فکري او فرهنګي وده کې د محصلانو ونډه وستایله او د محصلانو تر منځ د رغنده فعالیتونو او ظرفیت لوړونې پروګرامونو د ملاتړ پر دوام یې ټینګار وکړ.
ويناوالو په خپلو خبرو کي محصلان تشويق او وهڅول، چې د رسمي زده کړو ترڅنګ د ظرفيت لوړونې له بېلابېلو برنامو څخه اغېزمنه ګټه واخلي.
له بلې خوا د دغه محفل په جریان کې یو شمېر هغه محصلانو چې تېره ورځ یې د یو علمي سیر په ترڅ کې د کابل ریاض العلوم دیني جامعې څخه لیدنه کړې وه، خپلې علمي تجربې او لیدلی حال له ګډونوالو سره شریک کړ چې په غونډه کې د حاضرینو د خوښۍ لامل شو.
د یادولو وړ ده چې د غونډې په پای کې د کابل طبي علومو پوهنتون «ابو علي ابن سینا» رهبرۍ له لوري ممتاز محصلان د نغدي ډاليو، مډالونو او نورو بېلابېلو ډالیو په ورکړې سره وستایل شول.
