د کابل طبي علومو پوهنتون «ابو علي ابن سینا» محصلانو لپاره د هېواد جیدو علمای کرامو له لوري د اسلامي ثقافت درسونو لړۍ بیا پیل شوه. دغه پروګرام د عصري علومو تر څنګ له دیني او عقیدتي علومو سره د محصلانو د بلدتیا په موخه پر لار اچول شوی دی.
د یادې لړۍ لومړنی درس د «شرعي او عصري علومو اهمیت» تر عنوان لاندې د شیخ الحدیث مولوي دوست محمد لخوا وړاندې شو. نوموړي په خپله وینا کې د دیني او عصري علومو تر منځ د توازن او برابرۍ پر اړتیا ټینګار وکړ او هغه یې د فردي او ټولنیز بریالیتوب اساس وباله.
د یادولو وړ ده چې دغه درسونه په هر سمستر کې درې ورځې ترسره کېږي او نن سربېره دوه نورې ورځې به هم دوام وکړي
