د کابل طبي علومو پوهنتون رهبري شورا غونډه ترسره شوه
دغه غونډه نن یکشنبه د روان کال زمري میاشتې پر اوومه نېټه د کابل طبي علومو پوهنتون عمومي رئیس دوکتور مفتي اسد الله نجات په مشرۍ د ریاست مقام دفتر کې د بېلابیلو موضوعاتو په اړه د مشورو، پرېکړو او نظریاتو شریکولو په موخه تر سره شوه.
په دغه غونډه کې له آجنډا سره سم په ستوماتولوژي تدریسي روغتون کې د غاښونو کېنولو (امپلنټ) د فیس، د سترګو تدریسي روغتون د کثافاتو د انتقال، د نسایي ولادي تدریسي روغتون د انټرنېټ ستونزې حل، د تدریسي روغتونونو د مسلکي کسانو د تبدیلۍ او یو شمېر نورو مهمو علمي او اداري موضوعاتو په اړه بحث او خبرې وشوې چې د نظریاتو او مشورو له شریکولو وروسته، لازمې پرېکړې ونیول شوې.
