په کابل طبي علومو پوهنتون کې د نيالګيو ايښودلو کمپاين
په کابل طبي علومو پوهنتون کې د پسرلي د رارسیدو په مناسبت نن یکشنبه د ۱۴۰۰ کال د کب 29 مه د شنو نیالګیو اېښودلو کمپاین پیل شو .
په دغه کمپاین کې (۹۰) بېلابېل ډوله نیالګي چې د کرنې، اوبولګولو او مالدارۍ وزارت له خوا مرسته شوي وو د دغه پوهنتون د ساتنې او مراقبت مدیریت په همکارۍ په مناسبو ځایونو کې کېنول شول.
د پوهنتون مالي او اداري مرستیال انجنیر عظیم الله کامران اخندزاده د نیالګیو اېښودل د پاک او زرغون چاپېریال د ښه والي لپاره مهم وګڼل او د کرنې، اوبولګولو او مالدارۍ وزارت له مرستو یې مننه وکړه.
