ډېر ژر به د لومړي ځل لپاره د طبي انجنیري څانګه د لیسانس په کچه محصلین فارغ کړي
د خوښۍ ځای دی چې د یادې څانګې محصلینو د خپلو زده کړو سربېره په خپله تحصیلي دوره کې د کابل ښار د ځینو خصوصي روغتونونو له کاره لوېدلي طبي وسایل بیا ترمیم کړي او د یادو روغتونونو د وسایلو د ترمیم خلا یې ډکه کړې ده.
همداراز د کابل طبي علومو پوهنتون د طبي انجنیري څانګه په تېرو څو میاشتو کې توانېدلې، چې د اړوندو تدریسي روغتونونو لکه علي اباد، میوند، سترګو، ستوماتولوژي، نسایي ولادي، قلبي صدري او وعایي ناروغیو انستیتیوت، نیږدې (٦٠) پایې بېلابېل طبي وسایل ترمیم او ګټې اخیستنې ته چمتو کړي. او همداراز ځینې مهم طبي وسایل یې اختراع کړي چې د محلصلینو په فراغت غونډه کې به نندارې ته وړاندې شي.
