د کابل طبي علومو پوهنتون د عامې روغتیا پوهنځي محصلانو ته د کارموندنې سیمینار وړاندې شو.
د عامې روغتیا پوهنځي په هڅه د دغه پوهنځي رئیس پوهنیار روح الله سخي له لوري د دغه پوهنځی محصلانو ته له کاري ساحې سره بلدتیا او په کاري ساحه کې د ښه فعالیت په موخه د کارموندنې تر عنوان لاندې سیمینار وړاندې شو.
په دغه سیمینار کې د کار کړنلاره او د کاري کړنلارو تطبیق، د کار لټولو لارې چارې، د کار د قوت او ضعف ټکي پیدا کول او د ورځنیو کارونو په سمه بڼه ترسره کول، محصلانو ته تدریس شول.
دغه سیمینار په داسې حال کې وړاندې کېږي چې څه موده مخکې دغه پوهنځي محصلانو ته د کیفي تحقیق تر عنوان لاندې سیمینار وړاندې کړی و.
