د "مرسته د زده کړې لپاره" بنسټ لخوا د کابل طبي علومو پوهنتون له کتابتون سره ۱۰ پایې کمپیوټرونه مرسته وشوه.
"مرسته د زده کړې لپاره" بنسټ د محصلینو کارونې په موخه د کابل طبي علومو پوهنتون کتابتون ته د ۱۰ پایو ډیسک ټاپ کمپیوټرونو مرسته وکړه او د دغه پوهنتون رهبرۍ غړیو په شتون کې یاد کتابتون ته وسپارل.
د کابل طبي علومو پوهنتون سرپرست ډاکټر مفتي اسدالله نجات، د دغه بنسټ له مرستې مننه وکړه او د نویو طبي کتابونو په مرسته او د ډیجیټل کتابتون د سیستم په فعالولو کې یې د لا زیاتو همکاریو غوښتنه وکړه.
له بلې خوا د یاد بنسټ استازي حاجي غمي شیرینزوی له پوهنتون سره د امبولانس، طبي وسایلو او کمپیوټرونو په برخه کې د لا زیاتې همکارۍ ډاډ ورکړ.
د یادونې وړده، چې دغه کمپیوټرونه به د کابل د طبي علومو پوهنتون په کتابتون کې د محصلینو د مطالعې او څېړنې لپاره وکارول شي.
