نن دو شنبه د روان کال د غبرګولي میاشتې پر ۵ نېټه د کابل طبي علومو پوهنتون د دعوت او ارشاد آمریت په هڅو سره د دغه پوهنتون محصلانو ته د هېواد جیدو علمای کرامو لخوا د دیني اصلاحي سیمینارونو لړی بیا پيل شوه.
د دغه دیني اصلاحي سیمینارونو په لړ کې لومړۍ سیمینار د نرسنګ او عامې روغتیا پوهنځيو محصلانو ته وړاندې شو چې د محصلانو سربېره د پوهنتون رهبري او د اړوندو پوهنځيو یو شمېر استادانو، اداري کارکوونکیو هم ګدوڼ کړی و.
یاد دیني اصلاحي سیمینار د پوهنتون د رئيس شیخ الحدیث مفتي احسان الله ابوالفیضان لخوا وړاندې شو چې پکې د انسان د خلقت، محرمات د قرآن له نظره، د دنیا د خلقت جریان او د ایمان تشریح ولا او برا موضوعاتو په اړه هر اړخیز معلومات وړاندې شول.
د یادونې وړ ده چې دغه دیني اصلاحي سیمینارونه به له مهالویش سره سم د نور پوهنځيو محصلانو ته هم وړاندې شي.
