...
د کابل طبي علومو پوهنتون د حوض جوړونې کار چې څه موده وړاندې پیل شوی و، بشپړ او ګټې اخیستنې ته وسپارل شو. له دې سره هم مهاله یو باب مېلمستون چې په دغه پوهنتون کې نوی جوړ شوی د لوړو زده کړو قدرمن وزیر شیخ الحدیث مولوي نداء محمد ندیم صاحب له لوري پرانیستل شو.
دغه پروژې د تحصیلي چاپېریال د ښه والي او پوهنتون د علمي او ادري مېلمنو لپاره د اسانتیاوو رامنځته کېدو په موخه بشپړ او ګټې اخیستنې ته وسپارل شوې. د حوض په جوړېدو سره د پوهنتون عمومي فضا ښکلې او په زړه پورې شوې او همدارنګه نوی جوړ شوی مېلمستون د مناسبو او معیاري امکاناتو په طراحي کولو سره جوړ شوی چې په لوړه کچه به د داخلي او بهرنیو مېلمنو د کوربه توب زمینه برابره کړي.
