...
د کابل طبي علومو پوهنتون اړوند نسايي ولادي تدریسي روغتون له لوري د وړاندې شویو معلوماتو پر بنسټ په وروستیو درېیو کلونو راهیسې دغه روغتون د پراخو بدلونونو او لاسته راوړنو شاهد و چې د روغتیايي خدماتو لوړوالي او ناروغانو لپاره په آسانیتاوو کې یې اغېزمنه ونده ترسره کړې ده. له دغه لاسته راوړنو څخه د ماشومانو لپاره مجهز وارډ، د کاهلانو لپاره د ICU وارډ، د ریکوري اتاق او VIP اتاق رامنځته کېدو ته اشاره کولای شو. همدارنګه د علمي او خدماتي ظرفیتونو ودې، مجهز کتابتون، طبي آرشیف او فارمسي ډېپو هم رامنځته او ګټې اخیستنې ته سپارل شوې ده.
دغه معلومات ښيي چې د آسانتیاوو رامنځته کولو په برخه کې هم عملي ګامونه پورته شوي دي. د روغتون چاپېریال ښه والي په موخه د شنې سیمې، د نارینه او ښځينه پایوازانو ځانګړی ځای او نور د ناروغانو او پایوازانو لپاره د مناسب چاپېریال برابرولو د هڅو یوه برخه ده.
یادې لاسته راوړنې د دوامدارو روغتتیايي خدماتو کیفیت د ښه والي او خلکو د اړتیاوو پوره کولو لپاره د روغتون کارمندانو د ژمنتیا او مدیریت څرګندونه کوي.
