...
د کابل طبي علومو پوهنتون «ابو علي ابن سینا» اړوند نسايي ولادې تدریسي روغتون د رسمي شمېرو پر بنسټ دغه روغتون په تېرو درېیو کلونو کې له ۴۹ زره زیاتو ناروغانو ته سراپا (OPD) خدمات وړاندې کړي دي. دغه شمېر، نسايي ولادي خدماتو ته د لاسرسي په برخه کې د پراخوالي دوامداره هڅو څرګندویي کوي.
په تېرو درېیو کلونو کې یاد روغتون نه یوازې دا چې د زیات شمېر ناروغانو درملنه کړې ده، بلکې د زېربناوو په نوي کېدو او اغېزناکو طبي وسایلو په تهیه کېدو سره د روغتیایي خدماتو کیفیت لوړونې لپاره مهم ګامونه پورته شوي دي. دغه لاسته راوړنې په نساي ولادي درملنه کې د پرمختګ او غوره معیارونو لوړوالي لپاره د روغتیایي خدماتو په برخه کې د مسوولینو ژمنتیا څرګندويي کوي.
