د کابل طبي علومو پوهنتون «ابو علي ابن سینا» اړوند میوند تدریسي روغتون د معلوماتو پر بنسټ دغه روغتون په تېرو شپږو میاشتو کې ۲۰۲ زره، ۱۰۶ تنه ناروغانو ته روغتیایي خدمات وړاندې کړي دي.
په دغه روغتیایي خدماتو کې د سراپا (OPD) ناروغانو معاینات، لوی او کوچني جراحي عملیاتونه او تشخیصیه خدمات لکه: لابراتواري معاینات، ECH، ECHO او الټراسونډ معاینات شامل دي.
د یادولو وړ ده چې په یاده موده کې د روغتیايي خدماتو وړاندې کېدو له امله ۶ میلیونه، ۶۱۱ زره، ۷۷۰ افغانۍ عواید هم راټول شوي دي.
