د کابل طبي علومو پوهنتون اړوند طبي انجنیري ټکنالوجۍ ډيپارټمنټ د لاسته راوړنو په دوام د دغه ډيپارټمنټ یو شمېر فارغان د انکوباتور (Incubator Machine) ماشین چې د زېږون له مودې مخکې او کم وزن لرونکو ماشومانو په مراقبت کې رغنده ونډه لري؛ په طراحي او جوړولو...
د کابل طبي علومو پوهنتون اړوند طبي انجنیري ټکنالوجۍ ډيپارټمنټ د لاسته راوړنو په دوام د دغه ډيپارټمنټ یو شمېر فارغان د انکوباتور (Incubator Machine) ماشین چې د زېږون له مودې مخکې او کم وزن لرونکو ماشومانو په مراقبت کې رغنده ونډه لري؛ په طراحي او جوړولو بریالي شول.
دغه انکوباتور د نویو زېږېدلیو ماشومانو لپاره د تود، مرطوب او پاک چاپېریال رمنځته کولو په موخه جوړ شوی دی تر څو د هغوی د طبیعي ودې بهیر په ثابتو او د کنټرول وړ شرایطو کې دوام ومومي. یاد ماشین د تودوخې ساتلو شیشه يي صندوق په ډول جوړ شوی چې د تودوخې او رطوبت د خودکار کنټرول، د هوا جریان تنظیم او ډيجیټلي دقیق سانسور درلودونکی دی.
د طبي انجنیري ټکنالوجۍ مسوولینو په وینا دغه ماشین د ۳۵ تر ۳۷.۵ سانتي ګريډ تودوخې او شاوخوا ۵۰ تر ۷۰ سلنې رطوبت ساتلو وړتیا لري، همدارنګه د ډيجيټل سکرین، د حفاطتي او تودوخې درجې ښودلو سیستم لرونکی دی چې د تودوخې ناڅاپي زیاتوالي یا کموالي په وخت کې لازم آواز کوي.
