د کابل طبي علومو پوهنتون «ابو علي ابن سينا» اړوند عليآباد تدريسي روغتون د آنکولوژي ډیپارټمنټ جراحي ټيم په لومړي ځل د ۴۱ کلن ناروغ د پښتورګي سرطان عمليات د Laparoscopic partial Nephrectomy په ډول بریالی ترسره کړ.
د دغه ډیپارټمنټ شف ډاکتر امين يمال په وینا، ناروغ د بولو پر مهال د وینې خارجېدو له امله روغتون ته مراجعه کړې وه. له تخصصي معايناتو وروسته، د پښتورګي سرطان تشخیص شو او پرېکړه وشوه څو په Laparoscopic partial Nephrectomy ډول یې جراحي عملیات ترسره شي چې پکې د پښتورګي سرطاني برخه په پوره دقت سره لرې او پاتې نور پښتورګی روغ پاتې دی او د ناروغ عمومي وضعیت له عملیات وروسته د بشپړ ډاډ وړ ښودل شوی دی.
