د کابل طبي علومو پوهنتون اړوند میوند تدریسي روغتون د اداري او روغتیایي چارو د ښه والي او تنظیم په موخه نظارت تر سره شو.
د پوهنتون مالي او اداري مرستیال مولوي عبد الرحمن مرحوم په مشرۍ یو پلاوي د دغه روغتون د اداري، خدماتي، تدارکاتي، د ترمیم پروژو د پیل، روغتیایي خدماتو وړاندې کولو او د چارو د تنظیم او ښه پرمختګ په موخه له میوند تدریسی روغتون څخه د یوې لیدنې په ترڅ کې نظارت او بررسي وکړه.
د میوند تدریسي روغتون رئيس ډاکټر نورستان شینواري د یادو برخو د فعالیتونو د تر سره کېدو په اړه معلومات وړاندې کړل او د روغتون دروازې او مخې ته لاس پلورونکیو او په شاوخوا ځایونو کې د قصابۍ دوکانونو د زیان، ګڼه ګوڼې او مزاحمت په اړه چې له ډېرو کلونو راهيسې په ناقانونه ډول په دغه ځای کې شتون لري هر اړخیز معلومات وړاندې کړل.
د یادولو وړ ده چې مالي او اداري مرستیال روغتون ته د شاوخوا لاس پلورونکیو او قصابانو د دوکانونو له امله د رامنځته شویو ستونزو په اړه د یاد روغتون د مسوولینو د نظریات له اورېدلو وروسته د دغه ستونزې د حل په برخه کې د روغتون مسوولینو ته د لازمو سپارښتنو ترڅنګ د حل ژمنه وکړه
