د کابل طبي علومو پوهنتون رئیس شیخ الحدیث مفتي احسان الله ابوالفیضان په مشرۍ او د دغه شورا غړیو په حضور د یاد پوهنتون د علمي شورا ناسته ترسره شوه.
د غونډې په پیل کې د کابل طبي علومو پوهنتون رئیس په خپلو خبرو کې، د علمي چارو په بهیر کې د چټکتیا پر ارزښت او د دغه تحصیلي بنسټ د ودې لپاره د زمینې په برابرېدو ټینګار وکړ.
وروسته بیا د آجنډا اړوند د ۱۴ موضوعاتو بررسي وشوه چې مهمه برخه یې د استادانو د علمي ترفېعاتو او نورو اکاډمیکو مسایلو دلودونکې وه. د شورا غړیو د آجنډا د هرې موضوع په اړه هر اړخیز بحث وکړ او له لازمو ارزونو وروسته یې په اړه پرېکړې وشوې.
