د کابل ابوعلي ابن سینا طبي علومو پوهنتون او زاول د لوړو زدهکړو مؤسسې تر منځ هوکړه لیک
دا هوکړه لیک چې د ۱۳۹۸ لمریز کال د لیندۍ (قوس) میاشتې په ۲یمه نېټه د کابل ابوعلي ابن سینا طبي علومو پوهنتون په ریاست کې امضا شوه، د هوکړې د امضا کولو په دې ناسته کې د کابل ابوعلي ابن سینا طبي علومو پوهنتون له لوري د دې پوهنتون رییس ښاغلي پوهاند ډاکتر وحیدالله مومند او د علمي چارو معاون ښاغلي پوهاند ډاکتر نجیبالله امرخیل او د زاول د لوړو زدهکړو موسسې له لوري د دې مؤسسې رییس ښاغلي ډاکتر عبدالقوي اشعه او د یادې مؤسسې علمي معاون ښاغلي ډاکتر حمیدالله سلجوقي ګډون درلود.
دا هوکړه لیک به د پینځه کلونو لپاره د اعتبار وړ وي او تر ټولو اساسي موخه به یې هم د ګډو علمي فعالیتونو ترسره کول او د مسلکي زدهکړو د بهیر وده او لا غوره والی وي.
