د کابل طبي علومو پوهنتون اړوند نسايي ولادي تدریسي روغتون مسوولینو له لوري د وړاندې شویو معلوماتو پر اساس، له ۱۴۰۰هـ ش کال راهیسې د ۳ میلیونه او ۷۳۹ زره افغانیو په ارزښت ۳۶ قلمه طبي وسایل او تجهیزات دغه روغتون ته اخيستل شوي دي.
د روغتون مسوولینو په وینا یاد طبي وسایل او تجهیزات د خدماتو کیفیت په ښه والي کې مهمه ونډه لري او د ناروغیو په تشخیص او درملنه، پر وخت د ناروغانو درملنې ته د رسېدنې او همدارنګه د روغتون د عوایدو د زیاتوالي لامل شوي دي.
د روغتون مسوولین زیاتوي چې له یادو وسایلو څخه اغېزناکه ګټه اخیستنه د مراجعینو لپاره د غوره روغتیاي خدماتو وړاندې کولو زمینه او روغتون د روغتیايي خدماتو عمومي کچې په لوړوالي کې مثبته اغېز رامنځته کړې ده.
