د کابل طبي علومو پوهنتون اړوند شهرآرا نسايي ولادي تدریسي روغتون د انټرنېټ له شبکې سره د تړل کېدو په چارو کې ۷۰ سلنه پرمختګ شوی او ټاکل شوې چې ژر تر ژره ګټې اخیستنې ته وسپارل شي.
دغه پروژه د روغتیایي خدماتو ښه والي، روزنیزو چارو د آسانتیا او اطلاعاتي سیستمونو د ودې په موخه په یاد روغتون کې پر لار اچول شوې ده. د یادې پروژې په بشپړېدو سره به له معلوماتي ټکنالوژۍ څخه د غوره ګټې اخیستنې، علمي سرچینو ته د ډاکټرانو او استادانو د چټک لاسرسي امکانات برابر شي.
